उपन्यास र तरकारी खेती छाडेर गीत लेखनमा वीनिता बराल (भिडियो सहित)

भिडियो हेर्न तलको विज्ञापनलाई हटाउनुहोस

काठमाडौं, १६ पुस । नायिका वीनिता बराल अभिनित चलचित्र ‘सुपरहिट’को गीत सार्वजनिक भएको छ । दिपेन्द्र के खनालले निर्देशन गरेको चलचित्र ‘चपली हाइट’मा अभिनय गरेपश्चात निक्कै चर्चामा आएकी नायिका बराल यो चलचित्र पछि फिल्म नगरिबाटै ओझेलमा थिईन । तर, कहिले तरकारी खेती त कहिले उपन्यास लेखनका कारण उनी चर्चामा रहिरहने काम गरिन ।

पछिल्लो समय अमेरिकामा रहेकी बिनिताले चपली हाईट रिलिज भएपछि काठमाडौको टोखामा जग्गा भाडामा लिएर तरकारी खेती मात्रै सुरु गरिनन् नेपाल कृषिप्रधान मुलुक भएकोले खेतीपाती सुरु गरेको भन्दै सामाखुसीमा आफ्नै तरकारी पसल समेत सुरु गरिन् । यहि बिचमा कृषिसंग सम्बन्धित उपन्यास ‘जुइनो’ समेत लेखिन । तर, उनको उपन्यास आजसम्म सार्वजनिक हुन सकेको छैन । यहि बिचमा उनैले लेखेको गीत भने सार्वजनिक भएको छ ।

फिल्मको सार्वजनिक गीत वीनिताले लेखेकी हुन भने सुरेश राईको संगीत तथा सुरेश र नीरन्जन पान्डेले स्वर रहेको छ । नीरन्जन ढकाल र सौरभ ढकालको निर्देशन रहेको ‘सुपरहिट’मा बिनिता शिर्ष भूमिकामा देखिएकी छन् । उनको ‘सुपरहिट’ आउदो २२ माघमा रिलिज हुने भएको छ ।