धर्म गुरुसहित ४७ जनालाई मृत्युदण्ड दिएपछि दुतावासमा आगो लगाइयो

भिडियो हेर्न तलको विज्ञापनलाई हटाउनुहोस

आइतबार, १९ पुष , साउदी अरबमा शिया धर्मगुरु शेख निमर अल निमरसहित ४७ जनालाई एकैपटक मृत्यु दण्ड दिएपछि त्यसको थुप्रै मुस्लिम राष्ट्रहरुमा विरोध भएको छ । मृत्युदण्डको विरोधमा प्रदर्शनमा उत्रिएका प्रदर्शनकारीहरुले धर्मगुरुको हत्याले निम्त्याउने परिणाम स्वीकार्न चेतावनी दिदैं इरानको राजधानी तेहरानमा रहेको साउदी दुतावासमा प्रवेश गरी आगजनी गरेका छन् ।

इरान सरकारले निमरको मृत्युदण्डमा साउदीले ठूलो मूल्य चुनाउनु पर्ने भन्दै रियादले आतंकवादलाई समर्थन गरेको आरोप लगाएको छ । शिया धर्मगुरु आयोतुल्ला अहमद खातमीले निमरको मृत्युदण्डलाई गम्भीर अपराध भएको भन्दै घटनाको निन्दा गरेका छन् ।

सन् २०११ मा पूर्वी प्रान्तमा चर्किएको सरकार विरोधी प्रदर्शनमा समर्थन गरेको, आतंकवादी अपराधमा संलग्न भएको लगायतका आरोप लगाउँदै शिया धर्मगुरु शेख निभरसहित ४७ जनालाई मृत्युदण्ड दिएको थियो ।

त्यसमा दुई जना विदेशी नागरिकहरु समेत रहेका थिए । मृत्युदण्डको विरोधमा साउदी अरबकै शिया बहुल क्षेत्र, इरान, इराकलगायतका देशमा प्रदर्शन भएको छ ।